"Beşiktaş" Ermənistan yığmasının futbolçusunu satışa çıxarır

18-08-2017, 14:18
Oxunub: 201
Hələlik baş məşqçi Şenol Günəşin xidmətlərində maraqlı olmadığı bu futbolçularla bağlı real təklif yoxdur


Türkiyənin “Beşiktaş” klubu 6 futbolçusunu satışa çıxarıb. “Report”un "Fanatik"ə istinadən verdiyi məlumata görə, onların arasında Ermənistan yığmasının üzvü Aras Özbiliz də var.

Özbilizlə yerli "Sivasspor"la yanaşı, Rusiyanın "Rubin" klubu da maraqlanır. Kazan təmsilçisi 27 yaşlı yarımmüdafiəçini birdəfəlik almaq və ya icarəyə götürmək istəyir. Futbolçu ötən mövsüm "Beşiktaş"ın heyətində cəmi 4 oyuna çıxıb. 

İstanbul təmsilçisinin satmaq istədiyi digər oyunçulara gəlincə, bunlar Mustafa Pektemek, Veli Kavlak, ukraynalı Denis Boyko, isveçli Aleksandr Miloşeviç və kolumbiyalı Pedro Frankodur. "Beşiktaş" UEFA-nın Maliyyə “Fair Play” Qaydalarına riayət etmək üçün transferlərdən 1,4 milyon avro gəlir əldə etməlidir. Ona görə də klub belə addım atmağa qərar verib. 

Hələlik baş məşqçi Şenol Günəşin xidmətlərində maraqlı olmadığı bu futbolçularla bağlı real təklif yoxdur. Klub rəhbərliyi onları Türkiyə Superliqasına yeni vəsiqə qazanan klublara göndərməyi planlaşdırır.

Qeyd edək ki, “Beşiktaş”ın sözügedən “altılıq”la yollarını ayırmaq istəməsinin digər səbəbi onlara ödəniləcək illik məvacibdir. Bu futbolçular klubda qalacaqları təqdirdə, İstanbul təmsilçisi ümumilikdə 6,6 milyon avro ziyana düşəcək.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti