Tramp məlumat sızmaları ilə mübarizəyə görə baş prokuroru tərifləyib

6-08-2017, 13:21
Oxunub: 233
Bundan əvvəl Tramp C.Seşnsi sərt tənqid edərək, ondan məyus olduğunu bildirmişdi


ABŞ prezidenti Donald Tramp hakimiyyət qurumlarından məlumat sızmaları ilə mübarizəyə görə baş prokuror, ədliyyə naziri Ceff Seşnsi tərifləyib. APA-nın “RİA Novosti”yə istinadən verdiyi xəbərə görə, D.Tramp bu barədə “Twitter” səhifəsində yazıb.  

“Yaxşı ki Baş prokurorluq Vaşinqtondan uzun illər davam edən  məlumat sızmaları ilə mübarizədə hərəkətə keçməyə başlayıb! Milli təhlükəsizlik naminə nə qədər sərt olsa bir o qədər yaxşıdır!”, - deyə Tramp yazıb.  

Qeyd edək ki, bundan əvvəl Tramp C.Seşnsi sərt tənqid edərək, ondan məyus olduğunu bildirmişdi.

ABŞ Senatı yay tətilinə getməzdən əvvəl qurumun təsdiqi olmadan baş prokurorun əvəzlənməsinin qarşısını almaq üçün tədbirlər görüb.  Belə ki, Senat məzuniyyət dövründə prezident Donald Trampa təyinatlar etməyə qadağa qoyub.

Qeyd edək ki, ABŞ prezidentləri bu vaxtadək Konqres tətilində olan zaman dəfələrlə məmur təyinetmə hüququndan yararlanıblar.   
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti