Gürcüstan prezidenti: “Saakaşvili ölkəni tərk etməməli idi”

27-07-2017, 18:51
Oxunub: 179
“Saakaşvili Gürcüstan vətəndaşlığından imtina edəndə, mən çox təəssüfləndim"


Gürcüstan prezidenti Giorgi Marqvelaşvili ölkənin sabiq prezidenti Mixail Saakaşvilinin Ukrayna vətəndaşlığından məhrum edilməsinə münasibət bildirib.

APA-nın Gürcüstan bürosu xəbər verir ki, G. Marqvelaşvili xarici jurnalistlərlə görüşdə deyib ki, Saakaşvili Gürcüstanı tərk etməməli idi.

“Saakaşvili Gürcüstan vətəndaşlığından imtina edəndə, mən çox təəssüfləndim. Çünki iki dəfə prezident seçilmiş ölkənin keçmiş birinci şəxsinin Gürcüstan vətəndaşlığı olmalıdır. Baş komandan olmuş şəxs ölkəni tərk etməməli idi”, - deyə prezident vurğulayıb.

Qeyd edək ki, Ukrayna prezidenti Petr Poroşenkonun fərmanı ilə M. Saakaşvilinin Ukrayna vətəndaşlığı ləğv olunub.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti