DİM: Universitetdəki yanğına görə təxliyyə edilən abituriyentlər yenidən imtahan verəcək

22-07-2017, 15:25
Oxunub: 527
DİM tərəfindən onların yenidən imtahan verməsi üçün üçün imkan yaradılacaq


Bu gün I və IV ixtisas qrupları üzrə ali təhsil müəssiələrinə qəbul imtahanı keçirilib.

Bu barədə Report-a Dövlət İmtahan Məkəzinin (DİM) mətbuat xidmətindən məlumat verilib.

Mərkəzdən bildirilib ki, imtahan zamanı Nərimanov rayonunda Azərbaycan Kooperasiya Universitetinin əsas binasından kənarda, idman zalında elektrik naqillərində yanğın baş verib.

DİM Direktorlar Şurasının sədri Məleykə Abbaszadə də dərhal yanğın baş verən əraziyə gəlib. Yanğının imtahan keçirilən binaya keçmə ehtimalı olmasa da, tüstülənmə olmuş və təhlükəsizliyinin təmin edilməsi məqsədilə bütün imtahan iştirakçıları imtahan binasından təxliyyə olunması barədə qərar qəbul olub.

"Azərbaycan Kooperasiya Universitetində keçirilən imtahanda iştirak edən abituriyentlərin nəzərinə çatdırırıq ki, DİM tərəfindən onların yenidən imtahan verməsi üçün üçün imkan yaradılacaq", -deyə DİM-dən bildirilib. 
Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti