Azərbaycan və Rumıniyanın xarici işlər nazirləri bir-birinə təbrik məktub yollayıb

13-07-2017, 17:15
Oxunub: 249
İki ölkə arasında əlaqələrin inkişaf etdiyini bildirib


Azərbaycanın xarici işlər naziriElmar Məmmədyarov və Rumıniyanın xarici işlər naziri Teodor Meleşkanu arasında diplomatik münasibətlərin qurulmasının 25 illiyi münasibətilə təbrik məktubu mübadiləsi həyata keçirilib.


XİN-dən APA-ya bildirilib ki,  Elmar Məmmədyarovhəmkarına ünvanladığı məktubunda ötən 25 ildə ikitərəfli münasibətlərin davamlı olaraq inkişaf etdiyini və hazırda əməkdaşlığın bütün sahələrdə, o cümlədən siyasi, iqtisadi, mədəni və xalqlararası sahələrdə genişləndiyini bildirib. Nazir bu gün Rumıniya və Azərbaycan arasında mövcud çoxşaxəli əməkdaşlığın mütəmadi olaraq genişlənən və dərinləşən möhkəm özülə əsaslandığını qeyd edib.

Elmar Məmmədyarov Strateji Əməkdaşlıq səviyyəsinə çatmış ikitərəfli münasibətlərin hazırkı statusundan razılığını ifadə edib. Nazir strateji əməkdaşlığın həyata keçirilməsini nəzərdə tutan Birgə Fəaliyyət Planının qarşılıqlı maraq doğuran bütün sahələrdə, eyni zamanda siyasi, beynəlxalq təhlükəsizlik, iqtisadi və enerji sahələrində əməkdaşlığı gücləndirmək üçün konkret addımları əks etdirən əsas sənəd olduğunu bildirib. Elmar Məmmədyarovsözügedən addımlar arasında siyasi əlaqələrin inkişafının strateji tərəfdaşlığın dərin və hərtərəfli inkişafını təmin etmək üçün əsas prioritet olduğunu qeyd edib.

O, Rumıniyanın Ermənistan-Azərbaycan Dağlıq Qarabağ münaqişəsinin Azərbaycanın suverenliyi, ərazi bütövlüyü və beynəlxalq səviyyədə tanınmış sərhədlərinin toxunulmazlığı prinsipləri əsasında həllini dəstəkləyən davamlı və prinsipial mövqeyini yüksək qiymətləndirildiyini diqqətə çatdırıb.

Teodor Meleşkanu Elmar Məmmədyarova ünvanladığı məktubunda 1991-ci ildə 11 dekabr tarixində Rumıniyanın Türkiyədən sonra Azərbaycanın müstəqilliyini tanıyan ikinci ölkə olduğunu vurğulayaraq həmin tarixdən etibarən iki ölkə arasında əlaqələrin davamlı inkişaf etdiyini bildirib.

O Rumıniya və Azərbaycan arasında Strateji Əməkdaşlığın yaradılmasına dair 2009-cu il Bəyannaməsinin ikitərəfli münasibətlərin əsasını təşkil etdiyini və bütün sahələrdə əməkdaşlığın dərinləşdirilməsi üçün əsas yaratdığını qeyd edib.

T. Meleşkanu iki ölkə arasında müsbət əməkdaşlığın və qarşılıqlı faydalı dialoqun Azərbaycan və Rumıniyanın rifahı naminə gələcək illərdə genişlənəcəyinə əminliyin ifadə edib.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti