"Mirzə Cəlil tənqidində maarif yox idi" - Oxucudan müsahibə

4-07-2017, 12:13
Oxunub: 3901
"Xalqı birdən-birə bu cür "yükləmək" lazım deyildi"


“Oxucudan müsahibə” layihəsinin bu dəfəki qonağı “Kitabıstan” dostlar qrupunun üzvü Fazil Hənifəyevdir.  

Etatist.com sözügedən müsahibəni təqdim edir:

Müsahibələrə qatılmaq üçün BU LİNK vasitəsilə qeydiyyatdan keçə bilərsiniz.

- Kitab oxumağa nə vaxtdan başlamısınız?
- Uşaqlıqdan oxuyurdum. Sonra kitabın mahiyyətini anlamadığım üçün mütaliəni dayandırdım. Yenidən oxumağa başlayanda isə gündə 100-150 səhifə oxuyurdum. Mütaliəyə ac idim.

- İlk oxuduğunuz kitab yadınızdadır?
- “Can nənənin nağılları” (gülür).

- Bəs bu gün hansı mövzuya daha çox üstünlük verirsiniz?
- Fəlsəfi janrında olan romanları sevirəm. XVIII-XIX əsrlərin macəra romanlarını da bəyənirəm. Bir də şeir oxuyuram.

- Bu gün cəmiyyət olaraq hansı fəlsəfəni mənimsəsək cəmiyyətimiz daha çox inkişaf edər? Ümumiyyətlə, fəlsəfə lazımdırmı?
- Bu gün ətrafımda elə adamlar var ki, heç fəlsəfənin nə olduğunu bilmir. Biz birinci fəlsəfənin nə olduğunu bilməli, onun təməlini öyrənməliyik. Desən ki, get Hegeli oxu, gedib oxuyacaq, amma anlamayacaq.

- Azərbaycan ədəbiyyatı azərbaycanlıya xitab edə bilirmi?
- Müasir ədəbiyyatdan çox narazıyam. Məni qane etmir. Ötən əsrdə ədəbiyyat daha maraqlı idi. İndi isə monotonluq var.

- Kimləri oxuyub bu nəticəyə gəlmisiniz?
- Həmid Herisçi, Seymur Baycan, Günel Mövlud, Aqşin Yenisey.

- Mütaliə sizdə nəyi dəyişdi?
- Tənqid etməyi sevirdim. Sonra fərqinə vardım ki, bu yanlışlar məndə də var və onları müalicə etməyə başladım.

"Mirzə Cəlil tənqidində maarif yox idi" - Oxucudan müsahibə

- Mirzə Cəlil tənqidi ilə Axundzadə tənqidi arasında hansı fərqləri görürsünüz?
- Axundzadənin boynuna düşən yük daha ağır idi. Mirzə Cəlil tənqidində isə maarif yox idi. Bu gün hələ də Axundzadəyə qarşı olanlar var. Onun tənqidi hələ də aktualdı.

- Bəs, bu tənqid lazım idimi?
- Əslində, xalqı birdən-birə bu cür “yükləmək” lazım deyildi. Amma, indi biz Sartrı anlayırıqsa, bu, onun xidmətidir.

- Azərbaycan yazıçısının sosial problemləri var və bu bəzən onun özünüifadəsinə mane olur...
- Əlbəttə. Evə çörək aparmaq üçün çalışmalıdır bəzən, bu normaldır. Amma inkişafdan saxlayır.

- Özünüzü “Kitabıstan” vətəndaşı hesab edirsiniz?
- Kitab oxuyan hər kəs “Kitabıstan” vətəndaşıdır.

Rəvan Cavid
Kitabıstan
Etatist.com
Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti