Dövlət qulluğunda daha çox hansı kadrlara ehtiyac var? - DİM-dən cavab

19-06-2017, 13:24
Oxunub: 108
"Dövlət qulluğunda müxtəlif sahələr üzrə kadrlara ehtiyac var"


Hazırda dövlət qulluğunda informasiya texnologiyaları üzrə kadrlara daha çox ehtiyac var.

Trend-in məlumatına görə, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə “Dövlət qulluğu sisteminin mahiyyəti və əhəmiyyəti” mövzusunda keçirilən tədbirdə çıxış edərkən deyib.

M.Abbaszadə əlavə edib ki, hazırda DİM-də dövlət qulluğu üzrə 1500-dən çox vakant yer var: "Kimsə fikirləşə bilər ki, dövlət qulluğunda yalnız hüquqşünas kimi ixtisaslar üzrə kadrlar tələb olunur. Lakin dövlət qulluğunda müxtəlif sahələr üzrə kadrlara ehtiyac var. İndi informasiya texnologiyaları üzrə vakansiyalara daha çox ehtiyac var. Bu vakansiyalar haqqında məlumatı bizim saytdan əldə etmək mümkün olacaq".

M.Abbaszadənin sözlərinə görə, dövlət qulluğuna qəbul 10 ildən çoxdur ki, müsabiqə yolu ilə aparılır: "Hazırda dövlət qulluğu vəzifəsini tutanların 6 mindən çoxu bu vəzifələri müsabiqə yolu ilə tutub".
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti