Rusiya iqtisadiyyatı ilk 6 ayda staqnasiya ilə üzləşəcək

20-04-2017, 14:22
Oxunub: 113
Hesabatda qeyd olunub ki, ilk rübdə əhalinin real gəlirləri 1,9% azalıb


Rusiya iqtisadiyyatının aşağı artım tempi bu ilin ilk yarısında staqnasiya olacağını göstərir.

Report "Lenta.ru" saytına istinadən xəbər verir ki, bu barədə "Sberbank CIB"-in analitik hesabatında bildirilib. Bankın analitiklərinin fikrincə, 2017-ci ildə Rusiya iqtisadiyyatı 0,6% artım göstərəcək.

Hesabatda qeyd olunub ki, ilk rübdə əhalinin real gəlirləri 1,9% azalıb. Rublun möhkəmlənməsi ilk rübdə idxal mallarının istehlakını artırıb. Belə ki, Rusiya Bankının (Mərkəzi Bank) hesabatına görə, ilk rübdə idxalın həcmi illik müqayisədə 40% artım göstərib.

"Sberbank"ın əksinə, Beynəlxalq Valyuta Fondu (IMF) bu həftə açıqladığı proqnoz hesabatında Rusiya iqtisadiyyatının 2017-2018-ci illərdə 1,4% artacağını ehtimal edib.

Rusiya Bankı isə ilk rübdə ÜDM artımı proqnozlarını rüblük müqayisədə 0,6%-dən 0,5%-ə azaldıb. II rüb üçün proqnoz isə 0,8%-dən 0,6%-ə endirilib.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti