Hesablama Palatası 2017-ci il dövlət büdcəsi layihəsinə rəy verib

25-11-2016, 18:07
Oxunub: 587
Audit tədbirlərinin nəticələri barədə məlumatların Milli Məclisə təqdim olunması qərara alınıb


Hesablama Palatasında Kollegiya iclası keçirilib.

APA-nın məlumatına görə, iclasda “Azərbaycan Respublikasının 2017-ci il dövlət büdcəsi haqqında” qanun layihəsinə və “Azərbaycan Respublikasının Əmək və Əhalinin Sosial Müdafiəsi Nazirliyi yanında  Dövlət Sosial Müdafiə Fondunun 2017-ci il büdcəsi haqqında” qanun layihəsinə Hesablama Palatasının verdiyi rəylər müzakirə edilib.

Kollegiya iclasında həmçinin həyata keçirilmiş Azərbaycanın Bolqarıstandakı səfirliyinin saxlanılmasına ayrılan vəsaitlərin istifadəsinə və dövlət büdcəsindən “Azərbaycan Dəmir Yolları“ QSC-nin Həkim-sanitar xidmətinə ayrılan vəsaitlərin proqnozlaşdırılması və icrasına dair nəzarət tədbirləri üzrə hesabatlar müzakirə olunub.

İclasda hər bir nəzarət tədbiri üzrə Kollegiya qərarlarının layihəsi müzakirə edilərək təsdiq olunub. Həmin qərarların icrasını təmin etmək məqsədilə aidiyyəti dövlət qurumlarına təqdimatların göndərilməsi və audit tədbirlərinin nəticələri barədə məlumatların Milli Məclisə təqdim olunması qərara alınıb.
Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti