OPEC Azərbaycanla danışıqlar aparır

5-10-2016, 12:34
Oxunub: 311
Son qərarın isə noyabrın 30-da Vyanada veriləcəyi bildirilir.


Neft ölkələrinin hasilatın azaldılmasına dair razılaşmanın əldə olunması neftin barelinin qiymətini 10-15 dollar artıra bilər.

"Report"un "RİA" agentlıiyinə istinadən verdiyi xəbərə görə, bunu Venesuelanın neft naziri Euloxio del Pino bildirib. Onun sözlərinə görə, noyabr ayında OPEC üzvü olan ölkələr arasında Vyanada (Avstriya) keçiriləcək növbəti sammitdə hasilatın azaldılması dair qərarın qəbul edilməsi neftin bahalaşmasına səbəb ola bilər.

Xatırladaq ki, sentyabrın 26-28-də Əlcəzairdə keçirilən OPEC-in qeyri-formal sammitində neft hasilatının 32,5-33 mln. barel/günə qədər azaldılması məsələsi razılaşdırılıb. Son qərarın isə noyabrın 30-da Vyanada veriləcəyi bildirilir.

A.Pinonun sözlərinə görə, OPEC gündəlik hasilatı 0,7 mln. barel azalda bilər. Digər 0,5 mln. barelin isə OPEC üzvü olmayan ölkələrə azaltmaq təklif ediləcək. Bununla da nazir gündəlik hasilatı 1,2 mln. barel azaltmağı düşündüklərini söyləyib. O həmçinin bildirib ki, hazırda Oman, Rusiya və Azərbaycanla hasilat səviyyəsinin müəyyənləşdirilməsi üzrə danışıqlar aparılır: "Alınarsa, bu, tarixi bir anlaşma olacaq".
Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti