Zığ və Masazırda sürüşmə aktivləşib, Qaraçuxurda çökmələr baş verib

5-10-2016, 11:13
Oxunub: 474
Qaraçuxur sürüşmə sahəsində lokal çökmələr baş verib


“Zığ-1 sürüşmə sahəsində prosesin dinamikasında aktivlik qeydə alınıb”.

Bunu APA-ya Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov deyib.

O bildirib ki, Qaraçuxur sürüşmə sahəsində lokal çökmələr baş verib: “Eyni zamanda, Masazır sürüşmə sahəsində atmosfer çöküntülərinin təsirindən prosesin dinamikasında aktivlik müşahidə olunub”.

Ə. Qaralov qeyd edib ki, Bayıl sürüşmə sahəsində monitorinq işləri davam etdirilib, ay ərzində prosesin dinamikasında aktivlik qeydə alınmayıb: “Badamdar sürüşmə sahəsinə istinad divarlarında yerləşdirilmiş mayaklarda çatlar və deformasiyalar müşahidə edilməyib. Əhmədli-1, Əhmədli-2, Əhmədli-Günəşli arası sürüşmə sahələrində aktivlik müşahidə edilməyib”.
Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti