Türkiyə və ABŞ müdafiə nazirlərinin Fətullah Gülən müzakirəsi

20-07-2016, 13:28
Oxunub: 640
Hökumətinə qarşı hərbi çevrilişə cəhd göstərdiyini bildirib.


Türkiyənin milli müdafiə naziri Fikri Işık ilə ABŞ müdafiə naziri Eşton Karter arasında telefon danışığı olub.

"Report" bildirir ki, F.Işık Türkiyə Silahlı Qüvvələrinin içərisindəki Fətullahçı terror təşkilatının (FETÖ) bir qrup üzvünün ölkəsinin konstitusion quruluşuna, xalq tərəfindən seçilmiş prezidenti və hökumətinə qarşı hərbi çevrilişə cəhd göstərdiyini bildirib.

O, ABŞ-a bu planın uğursuzluğa uğramasından sonra Türkiyəyə verdiyi dəstəyə və həmrəyliyə görə təşəkkür edib. F.İşık deyib ki, ABŞ FETÖ-nün rəhbəri Fətullah Gülənə daha da mülayim davranmamalı, onu qısa müddətdə Türkiyəyə ekstradisiya etməlidir. Nazir hazırda ölkədə hər şeyin nəzarət altında olduğunu, "İncirlik" hərbi bazasına elektrik verilişində yaranmış texniki problemlərin də qısa müddətdə aradan qaldırılacağını vurğulayıb.

E.Karter isə, öz növbəsində, ABŞ hökumətinin Türkiyədə hərbi çevriliş cəhdinin qarşısının alınmasından məmnun olduğunu bildirib. O deyib ki, xalqın demokratik dəyərlərə və hüququn aliliyinə verdiyi dəstək təqdirəlayiqdir: "Fətullah Gülənin Türkiyə ekstradisiyası Pentaqonun səlahiyyətinə aid bir məsələ olmasa da, bununla bağlı həssaslığınızı başa düşürük. Bu məsələylə bağlı ABŞ və Türkiyə prezidentləri arasında telefon danışığı olub. ABŞ Türkiyəyə hərtərəfli dəstək verməyə hazırdır".
Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti