Azərbaycan və İran arasında sazişlər təsdiq olundu

14-06-2016, 13:15
Oxunub: 322
Müzakirələrdən sonra sazişlər səsə qoyularaq deputatlar tərəfindən qəbul olunub.


Milli Məclisin bu gün keçirilən növbədənkənar iclasında Azərbaycanla İran arasında bir neçə saziş təsdiq edilib.

Trend-in məlumatına görə, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında" Saziş, "Azərbaycan Respublikası Hökuməti ilə İran İslam Respublikası Hökuməti arasında fövqəladə halların nəticələrinin aradan qaldırılması, məhdudlaşdırılması və təsirinin azaldılması sahəsində əməkdaşlıq haqqında" Saziş, "Azərbaycan Respublikası Hökuməti ilə İran İslam Respublikası Hökuməti arasında gömrük məsələlərində qarşılıqlı inzibati yardım haqqında" Saziş, "Azərbaycan Respublikası Hökuməti ilə İran İslam Respublikası Hökuməti arasında elektrik enerjisi satışı haqqında" Çərçivə Sazişi və "Azərbaycan Respublikası Hökuməti ilə İran İslam Respublikası Hökuməti arasında Azərbaycan və İran dəmir yollarının əlaqələndirilməsi haqqında" Çərçivə Sazişi deputatların müzakirəsinə çıxarılıb.

Müzakirələrdən sonra sazişlər səsə qoyularaq deputatlar tərəfindən qəbul olunub.
Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti