2013-də günəşin tutulma ehtimalı

5-12-2012, 11:31
Oxunub: 1216


Bu barədə APA-ya Azərbaycan Milli Elmlər Akademiyası (AMEA) N. Tusi adına Şamaxı Astrofizika Rəsədxanasının direktoru Əyyub Quliyev bildirib. Onun sözlərinə görə, ilin ilk Günəş tutulması mayın 10-da Bakı vaxtı ilə 2.27-də başlayacaq, 7.18-də bitəcək. Bu tutulma Azərbaycan ərazisindən müşahidə edilməyəcək.

İlin ikinci Günəş tutulması noyabrın 3-də baş verəcək. Bakı vaxtı ilə saat 14.06-da başlayacaq Günəş tutulması saat 18.27-də başa çatacaq. Bu təbiət hadisəsi Azərbaycan ərazisindən qismən müşahidə olunacaq.

Gələn ilin ilk qismən Ay tutulması aprelin 26-da olacaq. Bakı vaxtı ilə gecə saat 00.54 dəqiqədə başlayacaq Ay tutulması saat 1.20-də başa çatacaq və Azərbaycan ərazisindən müşahidə olunacaq.

İlin ikinci qismən Ay tutulması mayın 25-də səhər saat 09.00-da başlayacaq, 9.22-də bitəcək. Bu təbiət hadisəsi Azərbaycan ərazisindən görünməyəcək.

İlin sonuncu qismən Ay tutulması isə oktyabrın 19-da baş verəcək. Bakı vaxtı ilə saat 2.51-də başlayacaq Ay tutulması saat 6.48-də başa çatacaq və Azərbaycan ərazisindən müşahidə olunacaq.
Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti