Avropa İttifaqı öz ordusunu yaradacaq

19-11-2015, 10:11
Oxunub: 195


Avropa İttifaqə öz ordusunu yaratmalıdır.

APA-nın TASS agentliyinə istinadən verdiyi məlumata görə, bunu Avropa Komissiyasının sədri Jan Klod Yunker bəyan edib.

“Mən əvvəllər Avropa ordusunun yaradılmasının tərəfdarı olduğumu bildirəndə tənqid atəşinə tutulurdum. İndi isə bu qaçılmazdır. Hesab edirəm ki, biz Avropa müdafiə siyasətini yaratmaq üçün xeyli sərmayə yatırmalıyıq”, - deyə J-K.Yunker bildirib.

Onun sözlərinə görə, İŞİD terror qruplaşması Avropanın bir nömrəli düşmənidir: “İŞİD ilə mübarizə üçün bütün ölkələr səylərini birləşdirməlidirlər. Bu məsələdə xüsusi xidmət orqanlarının sıx əməkdaşlığı xüsusi önəm daşıyır”.

Jan Klod Yunker vurğulayıb ki, terrorizm problemini miqrasiya böhranı ilə qarışdırmaq olmaz: “Terrorizmi miqrasiya problemi ilə əlaqələndirmək istəməzdim. Din isə, öz növbəsində, birləşdirici qüvvə olmalıdır. İnsanları bir-birindən ayırmaq üçün dindən istifadə etmək yolverilməzdir”.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti