​Azərbaycanın Gürcüstana və Türkiyəyə ixrac etdiyi qazın həcmi açıqlanıb

4-11-2015, 11:06
Oxunub: 430
Gürcüstana 4,8 mlrd. kubmetr, Türkiyəyə isə 36 mlrd. kubmetr qaz verilib


Xəzərin Azərbaycan sektorunda yerləşən "Şahdəniz" yatağının işlənməsindən indiyədək 66 mlrd. kubmetr həcmində təbii qaz, 17 mln. ton kondensat hasil edilib.

Bunu Bakıda keçirilən Neft-qaz Mühəndisləri Cəmiyyətinin II Xəzər texniki konfrans və sərgisində çıxış edən Azərbaycan Dövlət Neft Şirkətinin (SOCAR) I vitse-prezidenti Xoşbəxt Yusifzadə bildirib.

X.Yusifzadə qeyd edib ki, hazırda "Şahdəniz" yatağında 7 işləyən quyudan gündə orta hesabla 29 mln. kubmetr qaz və 7 min ton kondensat hasil olunur. Onun sözlərinə görə, 2015-ci il noybarın 1-dək "Şahdəniz" layihəsi üzrə Cənubi Qafqaz Boru Kəməri ilə Gürcüstana 4,8 mlrd. kubmetr, Türkiyəyə isə 36 mlrd. kubmetr qaz verilib.

X.Yusifzadə bildirib ki, bu ilin 10 ayı ərzində "Şahdəniz" yatağından Cənubi Qafqaz Boru Kəməri ilə Gürcüstana 550 mln. kubmetr, Türkiyəyə isə 4,8 mlrd. kubmetr qaz nəql olunub. "Hazırda orta hesabla gün ərzində Gürcüstana 4 mln. kubmetr, Türkiyəyə isə 18 mln. kubmetr qaz verilir", - deyə SOCAR rəsmisi əlavə edib.(Report)
Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti