Allahşükür Paşazadə Moskvaya gedir

27-10-2015, 15:46
Oxunub: 907
Şeyxülislam A.Paşazadə Beynəlxalq forumun plenar iclasında məruzə ilə çıxış edəcəkdir


Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə oktyabrın 28-də Rusiya Federasiyasına səfərə gedəcək. 

QMİ-nin mətbuat xidmətindən Report-a verilən məlumata görə, səfər Moskva şəhər hökumətinin təşkilatçılığı, Rusiya Prezidenti yanında dini təşkilatlarla iş üzrə Şuranın beynəlxalq əməkdaşlıq Komissiyasının, habelə Rusiya Dinlərarası Şurasının dəstəyi ilə 29 oktyabr tarixində keçiriləcək "Din və Sülh" mövzusunda III Moskva Beynəlxalq Forumuna dəvət əsasında həyata keçirilir.

Şeyxülislam A.Paşazadə Beynəlxalq forumun plenar iclasında məruzə ilə çıxış edəcəkdir.

QMİ sədri səfər çərçivəsində Moskva və bütün Rusiya Patriarxı Kirillə görüşəcək. Səfər müddətində digər görüşlərin də keçiriləcəyi nəzərdə tutulur.
Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti