Telman İsmayılovun şirkəti 213 milyon dollar cərimələndi

6-10-2015, 14:55
Oxunub: 205
Moskva Bankının iddiası ilə bağlı verilən qərar T.İsmayılov üçün sarsıdıcı olub


Moskva Arbitraj Məhkəməsi azərbaycanlı biznesmen Telman İsmayılovun AST şirkətlər qrupuna daxil olan “KBF AST” MMC şirkətinə qarşı 213 milyon dollarlıq iddia üzrə qərar çıxarıb.

Virtualaz.org saytı “RİA Novosti”yə istinadən xəbər verir ki, VTB qrupuna daxil olan Moskva Bankının iddiası ilə bağlıverilən qərar T.İsmayılov üçün sarsıdıcı olub. Məhkəmə azərbaycanlı milyarderin şirkətinə qarşı iddianı təmin edib.

Moskva Bankı arbitraj məhkəməsinə oktyabrın 5-də Telman İsmayılovun iflas olması ilə bağlı ərizə ilə müraciət etmişdi. Moskvanın Meşanski məhkəməsi oktyabrın 1-də kredit təşkilatının İsmayılova qarşı qaldirdığı 286 milyon  dollar həcmində iddianın xeyli hissəsini təmin etmişdi.

Bankın "Rusline 2000" ("Руслайн 2000") və Hollandiyanın "Tropicano Finance B.V." şirkətlərinə ayırdığı hər iki kredit müqaviləsində benefisiar kimi çıxış edən Telman İsmayılov kreditin vaxtında ödənilməsinə görə şəxsi zəmanət verib. İş adamına qarşı iddia uzun müddət maliyyə öhdəliklərini yerinə yetirmədiyinə görə qaldırılıb.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti