Saakaşvili Putinə cavab verdi - “Bu həmin Putin deyil?”

18-08-2015, 19:22
Oxunub: 362
“Vladimir Putin Krıma qanunsuz səfəri zamanı əcnəbilərin Ukraynada təyinat alması ilə bağlı təəssüfləndiyini bildirib"


Ukraynanın Odessa vilayəti dövlət administrasiyasının rəhbəri Mixail Saakaşvili Rusiya prezidenti Vladimir Putinin əcnəbi vətəndaşlarının Ukrayna hökuməti və regional hakimiyyət orqanlarına təyin edilməsinin Ukrayna üçün rüsvayçılıq olması barədə sözlərinə cavab verib.

Bu barədə Saakaşvili şəxsi Facebook profilində yazıb.

“Vladimir Putin Krıma qanunsuz səfəri zamanı əcnəbilərin Ukraynada təyinat alması ilə bağlı təəssüfləndiyini bildirib. Bəlkə mən qarışıq salıram, amma bu həmin Putin deyil ki, 30 il ölkəni idarə etmiş gürcüyə (Stalini nəzərdə tutur – red.) həmişə çox müsbət yanaşıb və hazırda da onun üçün darıxır?” – deyə, o, bildirib.

Xatırladaq ki, avqustun 17-də Rusiya prezidenti Vladimir Putin işğal olunmuş Krıma səfər edərək, burada xarici vətəndaşlara hökumət və regional hakimiyyət orqanlarında yer verən Ukrayna rəhbərliyini tənqid edib. (Oxu.az)
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti