Kamal Abdullayev İrana dəvət edilib

30-07-2015, 14:29
Oxunub: 568
İran prezidenti Həsən Ruhaninin qövmlər və dini azlıqların işləri üzrə müşaviri Əli Yunisinin dəvətnaməsini dövlət müşavirinə təqdim edib.


Azərbaycan Respublikasının millətlərarası, multikulturalizm və dini məsələlər üzrə dövlət müşaviri, Bakı Beynəlxalq Multikulturalizm Mərkəzinin Himayəçilər Şurasının sədri Kamal Abdullayev İrana səfər edəcək.

Bu barədə Trend-ə İranın Azərbaycandakı səfirliyindən məlumat verilib.

Məlumata əsasən, bu gün İranın Azərbaycandakı səfiri Möhsin Pakayin K.Abdullayevlə görüşüb və İran prezidenti Həsən Ruhaninin qövmlər və dini azlıqların işləri üzrə müşaviri Əli Yunisinin dəvətnaməsini dövlət müşavirinə təqdim edib.

K.Abdullayevin İrana səfəri Azərbaycan və İranda yaşayan azərbaycanlılar arasında mədəniyyət sahəsində əlaqələri inkişaf etdirmək məqsədi ilə müştərək əməkdaşlıqların artırılması məqsədi ilə baş tutacaq.

K.Abdullayev İran səfiri ilə görüşdə iki ölkə arasında mədəniyyət sahəsində əlaqələrin inkişafının zəruriliyini vurğulayıb və yaxın gələcəkdə İrana səfər edəcəyini deyib.
Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti