Ötən gün Ukraynada oxuyan azərbaycalı tələbələr bir qrup azərbaycanlının orda ruslara qarşı "Azərbandera" adlı dəstə yaratdığı haqqında Etatist.com-a məlumat vermişdilər.

İddiaya görə dəstənin aktiv üzvlərindən biri Ayxan Hacıbəyli adlı azərbaycanlı tələbədir. Məsələni aydınlaşdırmaq üçün Ayxan Hacıbəylinin özü ilə əlaqə saxladıq. A.Hacıbəyli Etatist.com-a açıqlamasında iddianı təkzib etdi və bildirdi ki, sosial şəbəkələrdə paylaşdığı "Azərbanderra" şevronu ona hədiyyədir:

"Mən burda həm jurnalistəm, həm də tələbəyəm. 2012-ci ildən burdayam və buraya heç kəsin çağırışı ilə gəlməmişəm. Mən Azərbaycan vətəndaşıyam və Azərbaycan qanunvericiliyindən kənar hərəkət də etmirəm".