Gözdən əlillər üçün Quran çap edildi

16-07-2015, 14:29
Oxunub: 695
"Birbaşa bu mənbədən oxumaqla insan islamın mahiyyətini daha dərindən dərk edə bilir"


Bu gün Dini Qurumlarla İş üzrə Dövlət Komitəsinin (DQİDK) maliyyə dəstəyi ilə brayl (ciddi görmə problemli insanların oxuyub-yazması üçün tərtib edilən əlifba) ilə çap edilmiş “Qurani-Kərim”in təqdimatı keçirilib.

APA-nın məlumatına görə, DQİDK sədri Mübariz Qurbanlı brayl əlifbası ilə çap edilmiş “Qurani-Kərim”in çap prosesinə mart ayından başlandığını bildirib.

Azərbaycanda ilk dəfə görmə qabiliyyəti məhdud və ya itirilmiş insanlar üçün brayl əlifbası ilə hazırlanan “Qurani-Kərim”in DQİDK-nin maliyyə dəstəyi ilə 7 cilddə çap edilib.

M. Qurbanlı prezident İlham Əliyevin təşəbbüsü ilə kitab çapı üçün ayrılmış vəsaitin bir qisminin “Qurani-Kərim”in brayl əlifbası ilə çapına ayrıldığını qeyd edib: “Birbaşa bu mənbədən oxumaqla insan islamın mahiyyətini daha dərindən dərk edə bilir. Vətəndaşların sosial müdafiəsi cəhətdən “Qurani-Kərim”in brayl əlifbası ilə dərc olunması sosial bir siyasətdir”.

Qafqaz Müsəlmanları İdarəsi (QMİ) Elmi-Dini Şurasının sədri akademik Vasim Məmmədəliyev “Qurani-Kərim”in özünün bir şəfa olduğunu vurğulayıb: “İnsan dili bilməməsi, “Qarani-Kərim”i başa düşüb-düşməməsindən asılı olmayaraq ahəngi elədir, oradan bir hecanı qoparmaq da mümkün deyil. Çox sevindim ki, nəhayət, Azərbaycanda belə bir iş görülüb”.
Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti