Erməni idmançılar meydana niyə çıxmadı?

13-06-2015, 11:03
Oxunub: 5080
"Öz enerjilərini qorumaq istəyiblər"


Bakı-2015 Avropa Oyunlarına gələn erməni idmançılar açılış mərasimində meydana çıxmayıblar.

Etatist.com Milli.az-a istinadən xəbər verir ki, meydanda Ermənistanı gənc və güclü idmançılar deyil, yaşlı məşqçilər təmsil ediblər. Ermənistandan Avropa Oyunlarında iştirak üçün 25 idmançı gəlsə də, onların yalnız bir nəfəri - bayraqdar meydanda görünüb. Digər idmançılar səhnədə görünməyiblər.

Ermənistanın səhnəyə çıxmaması ilə bağlı artıq fərqli fikirlər ortaya çıxıb. Bir qisim insan deyir ki, erməni idmançılar səhnəyə çıxarkən tamaşaçıların onlara yönləndirəcəyi mənfi emosiyadan qrounmaq üçün belə addım atıblar. Tamaşaçıların onları fitə basması onlarda ruh düşkünlüyü yaradardı və yarışlarda iştirakına təsirsiz ötüşməzdi.

Digər qisim ekspert deyir ki, Ermənistan əsasən güləşçilərlə təmsil olunub yarışlarda. Ona görə də onlar açılış mərasiminin səhəri günü (bu gün - red.) keçiriləcək güləş yarışları üçün öz enerjilərini qorumaq istəyiblər. Bu səbəbdən də açılış mərasiminə qatılmayıblar.
Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti