MTN İŞİD-ə cavab verdi - Açıqlama/Foto

14-06-2014, 00:31
Oxunub: 6672


"Azərbaycanın milli təhlükəsizliyi baxımından istənilən hadisələrə qarşı qabaqlayıcı tədbirlər görürük. Bunun üçün istənilən addımları atırıq".

Etatist.com xəbər verir ki, bunu Milli Təhlükəsizlik Nazirliyinin ictimaiyyətlə əlaqələr mərkəzindən ANS PRESS-ə terrorçu qruplaşma İŞİD-in Azərbaycanla bağlı təxribat xarakterli xəritənin yayılmasına münasibət bildirərkən bildiriblər.

Qeyd edək ki, bir qədər əvvəl İŞİD-in zəbt edərək və şəriət qanunlarını tətbiq edəcəyi ölkələrin xəritəsi yayılıb.

İŞİD-in mediya nümayəndəliyi tərəfindən yayımlanan fotoda işğal ediləcək ölkələr əks olunub. Xəritədə Azərbaycan və Türkiyənin ərazilərinin də İŞİD-in hədəfində olduğu əks olunub. Qruplaşmanın mətbuat katibi Əbu Məhəmməd əl Adani növbəti hədələrinin Kərbəla və Nəcəf şəhərləri olduğunu açıqlayıb. Romanın da İŞİD-in hədəfində olduğu bildirilir.

Qeyd edək ki, edam edilmiş İraq lideri Səddam Hüseynin indiyə qədər ələ keçirilməyən yeganə "sağ əli" hesab edilən İzzət İbrahim əl-Durinin İŞİD-ə dəstək verdiyi iddia edilir.

ABŞ-ın nüfuzlu qəzeti "Nyu York Tayms”ın yaydığı məlumatlarda qeyd olunub ki, Mosuldan sonra Tikriti ələ keçirən İŞİD devrilən Səddam Hüseyn rejminin davamçıları ilə ittifaq qurub.

Xatırladaq ki, İraq hökuməti Mosul şəhərində yaşanan gərginliklə əlaqədar ölkədə fövqəladə vəziyyət elan edib.

Mosul şəhərində İraq-Şam İslam Dövləti silahlıları ilə hökumət qüvvələri arasında başlayan qarşıdurmalar geniş vüsət alıb. İŞİD silahlıları Mosul şəhərində rəhbərliyi tamamilə ələ keçirdiklərini bəyan ediblər.

Ölkənin baş naziri Nuri əl-Maliki fövqəladə vəziyyətlə əlaqədar kişiləri orduya çağırıb. Maliki, həmçinin, Birləşmiş Millətlər Təşkilatı və Ərəb Liqasından terrorizmə qarşı mübarizədə dəstək gözlədiyini bildirib.

***

İraq Şam İslam Dövləti (İŞİD) qurmaq istədiyi dövlətin xəritəsini yayıb.

Etatist.com Virtualaz.org-a istinadən xəbər verir ki, xəritə İŞİD-in tvitter səhifəsindən paylaşılıb.

Xəritədə İŞİD-in İslam dövləti quraraq şəriət elan etmək istədiyi ölkələr göstərilir. Bu ölkələr arasında Türkiyə də yer alıb. İŞİD-in hədəfində Roma, Qüds və Endelüs də var.
 

MTN İŞİD-ə cavab verdi - Açıqlama/Foto
MTN İŞİD-ə cavab verdi - Açıqlama/Foto
MTN İŞİD-ə cavab verdi - Açıqlama/Foto
MTN İŞİD-ə cavab verdi - Açıqlama/Foto

 


Şərhlər : 2 Şərh yaz
natiq 8 noyabr 2014 19:14  
Men bir tek bunu biliremki iwid duzdu ve hakdi
Ferhad 7 yanvar 2015 20:01  
BAslari ucun deyil. Bos bos danisirlar. Yox eee bir ispaniyani zadi da ele kecirdecekler. hamisi xulyadi
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti