Qazaxıstan səfiri Azərbaycandan getdi

19-02-2013, 10:29
Oxunub: 877


Fevralın 18-də xarici işlər naziri Elmar Məmmədyarov Qazaxıstanın ölkəmizdəki səfiri Serik Primbetovu diplomatik fəaliyyətinin başa çatması ilə əlaqədar qəbul edib.
 
Xarici İşlər Nazirliyinin mətbuat xidmətindən Lent.az-a verilən məlumata görə, Elmar Məmmədyarov Qazaxıstan səfirinin fəaliyyətini və Azərbaycan-Qazaxıstan münasibətlərinin genişlənməsinə verdiyi töhfəni yüksək qiymətləndirib.
 
Elmar Məmmədyarov səfir Serik Primbetova gələcək fəaliyyətində uğurlar arzulayıb. Görüşdə iki ölkə arasındakı siyasi dialoqun yüksək səviyyədə olmasından və iqtisadi-ticari əlaqələrin inkişafından məmnunluq ifadə edilib. Serik Primbetov ölkəmizdən xoş təəssüratlarla ayrıldığını və ölkəsinin Azərbaycanla münasibətlərin genişlənməsində maraqlı olduğunu söyləyib.
Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti